Ato Yim-i ‘Dreamer’ kensep sayaogo

Dimapur, Chiteni/July 30, 2019 (TYO): Hotel Saramati, Dimapur nung July 30, 2019 Mongolbarnü Ato Yim-i pa indang mezüng kensep – ‘Dreamer’ sayatsüogo. Iba kensep sayatsüba sentong tenzüka Patkai Christian College nungi Assistant Professor, Piketoli-i sarasadem aser Yimchunger Union Dimapur (YUD), Tir, Albinus Atsumong tetushi tesemdanger ama aruagi dena liasü.
Albinus-i ashiba agi, Ato Yim, shibai music wadang nung maitsü ka yangluogo, iba ya ajanga Naga nunger rangben aser alaktetta Yimchunger kin nem naroküm bener arutsüogo. Tarutsü nunga pa wadang nung takok tajung lidakjangma ta Albinus-isa ashi.
Sentong nung Abiogenesis band nungi Moasupong-i iba kensep indang rasa ashi.
Iba kensep atema Ato Yim-i sobaliba ken tem meyoktepa yangluba ya maparen tajung lir, ta Moa-i ashi aser tarutsü nunga iba ama yimya nung music tem tajungtiba nung yanglutsü asoshi Ato Yim ajungshia liasü.
Sunep Lemtur School of Music and Media 24 Studio, proprietor, Sunep Lemtur-ia Ato Yim den longjemer iba kensep yangluba indang lemsatepa liasü.
Producer aser director ama, Sunep Lemtur-ia, artist aika rongnung Ato Yim den inyakba ama artist shinga den inyakdanga mali. Ato ya ken zülur aser ken mejemer tajung ka dang masü saka pa ya tongmelang nisung ka lir, ta lemsatep.
Maneni, Ato Yim-ia telok dang pelaba metetdaktsü aser kasa mapang iba kensep nungi pai ken ana tena telok jangratemdaktsü.
Iba sentong ya Paukizone Zeliang-i ketdangsüa agi. Sentong tembanga Yimchunger Baptist Church Dimapur, Women Department, Associate Pastor, Tsuyimla Ramji-i sarasadem.