Temesepba mozü bener nisung 2 apu

Dimapur, Chiteni/July 30 (TYO): Osang tejangja ka angazükba sülen 29/07/19 nü Wokha Police team kati Wokha jila kübok tesem ana meita aoba mapang Spasmo Proxyvon tablets 920, Daizypam tablet 180, Heroin/Brown Sugar packet 2 bener nisung ana puogo. Pua alisang ana ya Tsumang ‘A’ colony Wokha nung alir Khomi Odyuo’er jabaso Chumben Odyuo (26) aser Tsumang ‘A’ colony Wokha nung alir Yibomo’er jabaso Thungbemo Ngullie (30) ta jangjaogo. Tena anema Wokha PS nung C/No. 0029/19 U/S 22 (b) NDPS Act aser Wokha PS C/No. 0030/19 U/S 22 (b) NDPS Act R/W 27 (b) DC Act ta ken o ana benokogo, ta Superintendent of Police, Wokha-i sangdong ka ajanga metetdaktsü.