Tuensang nung Mini Legal Service Camp ka agi

Dimapur, Chiteni/July 30 (TYO): Tuensang District Legal Services Authority (TDLSA) aser district departments balala senteper July 29 nü Mini Legal Service Camp ka ayongzüka katsüogo.
Iba camp nung Medical service balala, Aadhaar registration aser correction, residential certificate ken o, State Bank of India nung mini account lapoktsüba, maternity benefits scheme dak sendakba nung tangazükba balala, angati affidavits, temzüng ozüng tsütsü tangazükba angati agi agütsüba aser pamphlets angati agi agütsüba amala sentong balala ayongzüka katsüogo.
Item sentong tem ya Assam Rifles aser district Medical department; Social Welfare Department; aser Sakhi One Stop Centre aser district administration den longjemer agi.
Iba camp ya lokti nung tangar memenepi aliba nüburtem nem tangazükba balala agütsütsü aser tangotsü tim aliba nüburtem aser tajangzük balala agüja aliba tsüngda apu latsütsü nüjidong nung agi. Kasa mapang nung nüburtem nem welfare schemes aser legislations tem indang metetdaktsütsü aser main departments temi agütsüba scheme balala den nüburtem sendakteptsütsü aser takokba tashi angati service agütsütsü asoshi iba sentong ayongzüka agiogo.
Principal District & Sessions Judge aser TDLSA mendenbuba Victo Sema, JMFC Kumdilong Kessen aser TDLSA Secy. Yimtsusangla Chang, Project Assistant TDLSA, Soteth Anar, Panel lawyer TDLSA aser PLV tem iba camp nung shilem agia liasü.
Tuensang nungi Inzwak APP aser Mitchell APP, Chuba, Notary Public Tuensang nungeria iba camp mapa angati agi teyari agüja liasü. Col. Yogesh Sharma Addl. DIG of 7 Sector Assam Rifles-ia iba sentong semdanga camp nung shilem agiba department ajak den sensaksemogo.
2018 küm September ita Mega Legal Services Camp akaba sülen iba den atongtepa tang Mini legal services camp ya agiogo, koba Nagaland State Legal Services Authority aser TDLSA den Government Department ajak longjemer agia liasü. Iba camp nung nisung 450 shi ajangzükogo, ta ketdangser sangdong ka ajanga metetdaktsü.