Tripura nung sen crore 3.15 alang ganja rongdok

Agartala, July 31 (Agencies): Tripura police-i sen crore 3.15 shi alangba ganja seret 6,300 raksa endokogo.
Ganjaji mi agi rongdok, ta Tripura police nung Inspector general (IG), Uttam Kumar Mazumder-i ashi.
High-level Drug Disposal Committee ka ketdangsüba kübok aser okadaki tetuyuba agütsüba ama ganja raksa endok, ta paisa ashi.
Tripura sorkari ozüng alema shibelenba mozütem apuba raksaa endoktsü atema Drug Disposal Committee aser High-level Drug Disposal Committee telok ana shima lir, ta Mazumder-isa ashi.
West Tripura district kübok R. K. Nagar nung security akangajanga lia ganjaji rongdok, ta paisa shisem.
Taoba ita ishika Udaipur, Dharmanagar, Kalam Chora aser Melagarh nung police aser security forces-i ganjaji apuba liasü.
Tripura nung chief minister Biplab Kumar Deb-i aniba BJP-IPFT sorkari drug mafia anema mapa tulu inyaker aser ‘Nasha Mukt Tripura’ alizüng atongtsü atema meranger.