Jaishankar-i Thailand nung ASEAN, EAS senden nung adentsü

New Delhi, Chiteni/July 31 (Agencies): External Affairs Minister, S Jaishankar-i Brihostibar nungi tenzüka anogo ananü Thailand semdangtsü aser iba mapang nung pai ASEAN, Mekong Ganga Cooperation (MGC) aser East Asia Summit sendentem nung adentsü.
ASEAN-India Ministerial senden ya Jaishankar aser Thailand Foreign Minister, Don Pramudwinai na leniba nung Brihostibarnü amentsü aser iba senden nung yaküm January ita New Delhi nung 25buba ASEAN-India Commemorative Summit nung ASEAN Member States (AMS) aser India-i lemtetba tongtibang onüktem reprangshitsü.
Thailand yimtiba, Bangkok nung ayongba senden nungsa yaküm November 15 nü Singapore nung Informal ASEAN-India Breakfast Summit nung lemtetba onüktem reprangshiba den külemi ASEAN-India Plan of Action (2016-2020) mapatem reprangshitsü, ta Ministry of External Affairs (MEA)-i sangdong ka nung metetdaktsü.
Kasa senden nung lenirtemi regional aser International onüktem nung o lemtepba den külemi ASEAN-India strategic partnership tashi itshitsü atema jembitsü.
Ano 10buba MGC Ministerial senden ya Jaishankar aser Vietnam deputy prime minister aser minister of foreign affairs, Prak Sokhonn na leniba nung Brihostibar nikongdang amentsü. Iba senden nung MGC framework kübok onüktem reprangshitsü aser MGC Plan of Action (2019-2022) renemtsü. MGC züngsem linüktem ya – Cambodia, Lao PDR, Myanmar, Thailand, Vietnam aser external partner lir.
Maneni 9buba East Asia Summit Foreign Ministers’ senden August 2 nü amentsü aser iba senden nung November 4 nü Bangkok nung ayongba East Asia Summit (EAS) senden atema jembitsü. Kasa senden nung minister temi Manila Plan of Action (2018-2022) kübok 2012 küm EAS lenirtemi renemba ‘Phnom Penh Declaration on the EAS Development Initiative’ atema jembitsü. Iba dak alia Minister temi regional aser International onüktem nunga o lemteptsü.
Maneni August 2 nikongdang 26buba ASEAN Regional Forum (ARF) senden amentsü aser iba senden nung züngsem linüktemi joint programmes atema jembiba den külemi amalitepa inyakba jenjang tajungba akümtsü atema jembitsü.
ARF kübok India aser Myanmar nati ASEAN Defence Ministers’ senden atema taküm March ita Lucknow nung ‘field-training exercise on military medicine’ agia liasü.
EAS aser ARF senden naprongla nung external affairs minister-i India indang Indo-Pacific mangdang metetdaktsütsü. Yaküm June ita Singapore nung Shangri La Dialogue sentong nunga Ato kilonser, Narendra Modi-i kasa mangdang metetdakja liasü.