Persimmon Cultivation training temogo

Pfutsero, July 31 (TYO): Horticulture Research Farm (HRF), Pfutsero nung anogo ananü ‘Farmers’ Training Programme on Persimmon Cultivation’ agia tembangogo, ta ketdangsertem osang ka ajanga metetdaktsü.
Horticulture Officer, Senti Longchar-i ashiba agi, tang mezüng HRF-i Central Institute of Horticulture (CIH) Medziphema den senteper iba ama training ayongzükogo, ta metetdaktsü.
Okila jembidang i/c Director, CIH Medziphema, Dr. NK Patle-i, Pfutsero area ya kiwi, mokori, plum, naspati, apple aser persimmon ama süngjanglijang tsünüba nung terenlok alitsüsa tesem ka lir, ta metetdaktsü.
Paisa Horti department aser district administration dang, aluyimertemi maongka angutsü atema tarutsü nung talirtem aser tayokertem atema sentong tulu ayongzüka katsütsü mepishi.
ADC Pfutsero, Zeneikhonuo Vimero-ia yimtsüng balala nungi shilem agir aluyimertem dang projects balala temelung agüja inyaktsü aser maneni aluyimertem rongsenkettsüng ajungkettsütsü ayongzüka liasü.
Iba training programme nung shisalen sayur tongtiji Asst. Chief Technical Officer, Horticulture, KVK Phek, Dr Rinku Bharali liasü.
Dr Rinku-i Persimmon süngdong tila asüdang anepaluyim, tsünüba tasa balala aser iba süngjang wazüka ayubayim indang tesayuba agüja liasü. Iba dak alia Horticulture Inspector, Kewecheu Khalo leniba nung süngjang lu semdang aser demonstration agüja liasü.
Iba training tembanga DHO Phek, Moalemba-i aluyimer 100 shi nem certificates lema agütsüogo.