NPP Nagaland-i R.N RAVI nem tenüngsang agütsü

Dimapur, Luroi/August 1 (Agencies): Nagaland Angh tasenba asütsü atema shimba asoshi NPP Nagaland State unit-i R.N RAVI nem tenüngsang agütsüogo.
NPP state unit-i pa pelashishia agizükba den Nagaland sorkar den jenjang balala nung pa sendaktepa aliba ajanga state aser nüburtem asoshi mapa tuluba inyaktettsü imlaba lemsatep. Kasa mapang nung Naga nunger tebilemtsü takaratiba nung bentettsü asoshi imlaba lemsatepba den Angh ama mapa takok nung inyakyonga aotsü imlaja ataba NPP puri sangdong ka ajanga metetdaktsü.
NPP Nagaland State unit-isa taoba Nagaland Angh P.B Acharya dang kanga pelaba metetdaktsüogo. Pai nüburtem meimba kanga menungraa bilemtettsü. Onoki pa aser kinungtsü taküm yimjiyimjung nung pelashishia liyonga aotsü sarasademtsür, ta General Secretary-IPR Ricky Ozukum-i sangdong ka ajanga metetdaktsü.