PDA Legislature Party senden amentsü

Dimapur, Luroi/August 1 (TYO): 13buba Nagaland Legislative Assembly Session 4buba August 6 nü nungi tenzüktsü.
Iba dak sendakba nung People’s Democratic Alliance (PDA) Legislature Party züngsemtem senden ka Chief Minister Residential Office nung August 5 nü 11:00 ako nungi tenzüka amentsü. Iba senden nung Legislative Assembly Session mamen tsüngda onüktem aser iba dak sendakba tanga onük tem benoka sensak asemtsü.
Iba senden nung PDA Legislature Party züngsemtem ajak tamakok maludaktsüi arua adentsü asoshi mepeshia metetdaktsüogo, ta ketdangser sangdong ajanga metetdaktsü.