Sannüker Den Taküm

Kibuba kü sannüker; ni kechiaia manüngtsü; Pai ni rem lanu rongnung mejangdaktsür; Pai ni tzü tasüngtet anasai anir.”- T.Ken 23:1-2
San ka ama aliba nung mamangtetba tesünep temulungjang nung kadaktsür. Laishibaren sannükeri Pa santem nüngdak ajak metetter. Pai parnok chiyongtsü koba tajungtiba aser koba parnok den mapet, pai metet. Kodang parnok chiyongtsüla aser kodang tzü ajemtsüla Pai metet.
Sannükeri longren aliba metet aser chiyongtsü aser tzü tajung alidak metet. Sani sannüker dak temulung lema aser anidaka ali tashi, parnok nüngdaktem mapang shidak nung angutsü. Parnok sannükeri pa akaba tajungtiba parnok nem agütsütsü.
Nai Sannüker Tajung dak bendanga amanger asü? Alima nungi anguba chiyongtsü dang nungi Pa nungi anguba chiyong tali züngshir asü?
Tsüngremi ne nüngdak karbo na nungi sottatoktsü ta arendaker asü? Ken züluri pa “kechiaia manüngtsü” ta amang. Sannüker tajungi Pa santem anepalur aser parnok asoshi Pa taküm agütsür (Yn.10:11).
Nai ne nükrang sannüker nungi Sannükeri agütsüba tsütsü meyiper asü? Na langka kati anünga lira, ibaji Sannüker ne nüngdak mabensadaktsünüba agi masü. Na tamang nung anünga aliba agi Pai agütsüba ajakbo nai magizükteter asütsü akok. Sannükeri agütsüba nung nai temulung masür asütsü akok. Sannüker shibai na anebalur Pa nungi aruba tepela nai magizükteti ali asü? Pa dangi meyipang aser Pai dang agütsütetba ne nüngdaktem angutsü Pa dak amangang.