UNTABA-i RN Ravi nem tenüngsang agütsür

Kohima, August 01 (TYO): United Naga Tribes Association on Border Areas (UNTABA)-i, RN Ravi-i Nagaland Angh mapa agizükba atema pa anem tenüngsang agütsür, ta tanü UNTABA Chairman, Hukavi T Yeputhomi aser General Secretary, Imsumongba Pongen nati sangdong ka ajanga metetdaktsü.
“Ato kilonser, Narendra Damodar Modi lenisüba kübok Indaia sorkari shisa kaa Nagaland SAngh atema RN Ravi shimba atema UNTABA-i pelar, kechiyong tesüiba küm ishika India-Naga yimtenren ken o jembiba nung pai Interlocutor ama inyaka aruadang pai India-Naga yimtenren indang putiotsü tejangja meteta lir,” ta kasa sangdong nung shia lir.
“Nagaland sorkar nung pai tekolak mapa agizükba atema onoki tajungtiba bilemtsür, iba denji kükemi pai iba menden agizükba ya, Naga nunger aser stakeholders-i India-Naga yimtenren ken o tekaraba nung tajungtiba agi latettsü imlaba tsütsü tetsükdaktsü ka mesüdaktsütsüla,” ta UNTABA sangdong nungsa shia lir.