OIL-i CMRF nem Rs 2.5 crore agütsü

Guwahati, August 7 (Agencies): Oil India Limited (OIL)-i Assam Chief Minister’s Relief Fund (CMRF) nem sen crore 2.5 tenla agütsüogo.
Tzümetsüng nung yariteptsü atema parnoki sen crore 2.5 indang cheque ji Assam CM Sarbananda Sonowal ket nung agütsü.
OIL chief managing director Utpal Bora-i anir teshimtet telok kati Janata Bhawan nung Mongulbarnü cheque ji agütsü.
Gauhati High Court judges-ia CMRF nem Rs 4, 75,000 tenla agütsüogo.
Tawa tu Haryana chief minister Manohar Lal Khattar-ia CMRF atema den crore 5 tenla agüja liasü.
Assam nung tzümetsüng agi timtemer yaritsü atema Hyundai Motor India Limited-ia CMRF nem sen crore 1 agütsüogo.
Bollywood actor Akshay Kumar-ia CM’s Relief Fund aser Kaziranga National Park nung shirurutem kümzüktsü atema sen crore 2 agütsü.