Dmr nung injang agi nisung ka yirutsü

Dimapur, August 07 (TYO): August 04, 2019 aonung 9:00 ako meta Purana bazaar, Dimapur nung college student ka dak injang khalokja yiruogo.
Osang ka ajanga ashiba agi nisung ka tenüng agi, Puloto Awomi-i point 22 pistol kati anasa nungi injang khaloktsüba ajanga Nikato Yeptho tetsüng tabelen yiruba sülen District Hospital Dimapur-i anir oa yaria tajungba kümogo.
Nikato ya Eastern Christian College, Dimapur nung azünger aser All Nagaland College Students’ Union (ANCSU) nunga par college nungi representative ka lir. Pa den tangar ana kidangi shilangba mapang nung iba lendong atalok.
Tai tonglokja alisangji police-i pua maneni asüngdangyatsü atema police ket nung lir, aser East Police station nung ken o ka benokogo, ta police-i metetdaktsü.
Ano külen iba tatalokba aija ANCSU-i sorkar aser ozüng benokba agencies dang aibelener anema ken o benoktsü, aser bail magütsütsü atema takhangba agütsüogo, ta ANCSU-i sangdong ka nung metetdaktsü.