Independence Day atema Dimapur DC-i senden ayonga amen

Dimapur, Luroi/August 07 (TYO): Dimapur Deputy Commissioner, Kevekha Kevin Zehol-i DDSC stadium, Dimapur nung 73buba Independence Day anogomong sentong atema o lemteptsü aser renemshitsü atema August 6 nü Deputy Commissioner indang Conference Hall nung Dimapur District kübok Heads of offices aser Administrative Officers den senden ka ayongzüka menogo, ta ketdangsertem osang ka ajanga metetdaktsü.
Senden nung iba anogomong atema mapalen dak sendakba nung o lemtepba sülen departments balala nem mapa lemzükja liasü.
Dimapur DC-isa Independence Day atema renemshiba dak sendakba nung department ajak dang ADC den amalitepa inyaktsü metetdaktsüba den külemi Independence Day parade contingent ajak dang August 8, 2019 nungi rehearsal agitsü, ta metetdaktsü.