Nagaland Deputy CM-i asükhu lemsateper

Dimapur, August 7 (TYO): Taoba Union Minister for External Affairs Sushma Swaraj ajungbena asüba osang angashia temulung raksar, ta Nagaland Dy CM, Media cell-i sangdong ka nung metetdaktsü.
Sushmaji ya Parliamentarian tajung ka, lawyer ka aser oshir ka liasü. La ya BJP lennir tejen ka liasü aser la asüba ajanga linüki takoksa tulu nguogo, ta Media Cell-isa ashi.
Asür nem akhümtsüba agüja, kü den külemi State BJP MLA temi la kinungbo Swaraj Kaushal aser kinungertem den asükhu lemsateper, ta sangdong nungsa shia lir.