Agartala nung power station ana raksatsü

Agartala, August 12 (Agencies): Deobar aonung Agartala nung alirtemi power stations ana raksatsü.
Power supply magütsü agi nisungtemi Ramnagar aser IGM nung aliba power house tem nung tables & chairs aser electricity equipment raksatsü, ta Power department ketdangsertemi ashi.
Tripura nung tang power supply tebilemtsü tulu ka lir. Shitakba nungbo Tripura nung power peria angur saka tang parnoki timtem ajurua lir.
Rukhiya Gas indang power production unit nung transformer ka raksaba ajanga Deobar aonung Agartala kübok tesem aika nung electricity supply shitak magütsütet.
Ghonda aika electricity supply magütsüba sülen yimti nung alirtemi tejashi nung yimdong nung sentep aser lungkak ait.
Idangji nisung kari power stations ana raksatsü.
Customer temi helpline number dangi call asüdang melangzü ta yimti nung alirtemi ashi.
“Onoki aiben power cut atema helpline number nung call asü saka shingaia phone magizük” ta nisung kati ashi.
Taoba küm 10-12 tsüngda iba ama power supply timtem majurudang ta parnokisa ashi.
Deobarnü Rukhiya Gas indang power production unit nung transformer ka raksa, ta TSECL ketdangser kati ashi.
“Ano tawa tasen enokba 33 KV transmission line arong aser iba jagi power supply magütsütet” ta paisa shisem.