I-Day atema Dimapur nung traffic ozüng tera melenshir

Dimapur, August 12 (TYO): August 15, 2019 nü DDSC Stadium nung 73buba Independence Day amongtsü aliba nung ajemdaker iba anogo nung anepdang 7:00 ako nungi anüngdang 12:00 ako tashi New Field Gate nungi Tragopan tashi gari senzünba nokdangtsü, ajisüka ambulance aser rongdak garitem dang melatsü, ta tanü Dy. Commissioner of Police, Traffic, Dimapur sangdong ajanga metetdaktsü.
Tejaokertem atema gari passes Dimapur DC office nung agutsütsü aser Police Commissionerate-ia iba sentong nung adenertem atema vgari passes telatet ka agutsütsü; iba sentong nung adener gari kibur ajaki lemzüktsüba tesem nung anentsü metetdaktsür, ta kasa sangdong nung shia lir.