Naga Hoho-i Assam Rifles aitsür

Dimapur, August 12 (TYO): August 7, 2019 nü Zunheboto nung 32 Assam Rifles sepaitemi public dak teka sangshiba khukhua aitsür ta Naga Hoho-i metetdaktsü.
Assam Rifles-i tetsürtem dak-a teka sangshiba ya senso ajaki aitsütsüla. Parnok “Friends of the Hills People” ta ajar saka shitakba nungbo parnok ya Naga nunger anemertem lir, ta Communication Cell, Naga Hoho-i metetdaktsü.
Assam Rifles-i akhidang nung inyaka aruba ama Naga nunger apur aser reshikangshir aser iba ya Armed Forces Special Powers Act (AFSPA) tenüng amer inyaker.
Tai maketba public kümzüka ayutsü atema bangdak ketdangpurtemi tangsa iba onük atema tebang ia mapa inyaktsüla aser aibelenertem merenshitsüla, ta Naga Hoho-isa metetdaktsü.