Manipur Cong MLA-i I-Day benjung nung shilem magitsü

Imphal, August 13 (Agencies): Manipur Congress MLA Kh Joykishan-i Independence Day benjungmung nung madentsü telemtetba agiogo.
Manipur nung arishi küm 12 tain tanur kaketshir ka tepsetba atema temeten meshia MLA Joykishan-i iba telemtetba agi.
Standard Robarth Higher Secondary School nung azünger asür N Babysana indang mang July 18 nü la aliba hostel nung angu.
Joykishan ya Thangmeiband constituencys nungi lir aser pai osangbener dang ashiba agi state sorkari iba tatalokba sülen tentetba Joint Action Committee (JAC) züngsemtem mechiokra, Independence Day benjung nung madentsü.
Tang ya JAC züngsem 12 tashi tepuokdak yua lir.
Opposition MLA Joykishan-i ashiba agi “taitsü keta tepseter lia anguba atema nübortemi temeten meshir saka state sorkari senso temeten anema mapa inyaker.”