The Nagaland Municipal Act, 2001 (Tatalokba aser Tataloktsü Alibatem)

– A.M. Toshi Jamir,  Director (Rtd), Govt Of Nagaland.

January 26, 1950 nungi tenzüka India Temzüngji amshia arudagi. 1992 küm iba Temzüng nungji ano Arla tasen ka (Article-243:Part –IX- A, bendenlok (THE MUNICIPALITIES).
Municipality tetezü urban area (ashitsü agi,Town tulu/Town tila ) nung telok tenteter nüburtem ajungtsü asoshi yimsü asüba (institution of self-government constituted,like,Nagar Panchayat/Municipal Council/Municipal Corporation). India Temzüng nung ketta alibaji reprangzüka THE NAGALAND MUNICIPAL ACT,2001 yanglu, aser amshia aotsü asoshi agizüker renema ayu. Nagaland atema Municipality tetezüji Municipal Council aser Town Council tentet dang ajar. Election ajanga nubürtemi shimteter külen parnoki küm pungo atema yimsü asütsü.
Tang tashi nung Town tulu 3 nung Municipal Council aser Town tilatem 29 nung Town Council tenteter yimsü asütsü asoshi Sorkari temelababo aguja lir. Municipal Council akatsü melaba jaka asemji, Dimapur, Kohima aser Mokokchung. Town Council akatsü melaba jaka metsüsertokuji, Changtongya, Chumukedima, Jalukie, Kiphire, Longleng, Medziphema,Mon, Naginimora, Peren, Pfutsero,Phek, Tseminyu, Tuensang, Tuli, Wokha, Zunheboto, Shamator, Noklak, Aboi, Meluri, East Dimapur, Mangkolemba, Longkhim, Bhandari, Tobu, Tizit, Tening, Pungro aser Chozuba.
2004 küm mezüngbuba Urban Local Bodies election agidang Municipal Council Town 3 aser Town Council Town 16 dang liasü.Department of Municipal Affairs,Government of Nagaland osang ajanga ashiba agi (Morung Express,dt.10.2.2017),iba election nung Mokokchung Town alir nubürtemi shilem magitet.Oda,Municipal Act,2001 Rule 120(1)(a) nung tax on land and buildings ta shia alibaji endoka madok tashi(deleted/omitted) election agitsüji memelatsü ta Sorkar dang ashi.
India Temzüng Arla 243-T (ONE-THIRD reservation of seats for Women) nung ajemtaker tetsürtemi Sorkar dang parnok temedenji meshi aser iba atema O-Bendangdak-ia (Court) oa liasü.
Tetsürtem nem temeden agutsütsü aser ano temelenshi kar enoksemtsü asoshi Sorkari THE NAGALAND MUNICIPAL ACT,2001 ji India Temzüng 243-T nung ajemdaker tera melenshi, koba dang THE NAGALAND MUNICIPAL (FIRST AMENDMENT) ACT,2006 ta ajar.Item temelenshibatemji kar yamai: Rule 23 –A (reservation of seats in Municipalities):Scheduled Castes aser Scheduled Tribe tetsür nem Municipal Council/Town Council shia (each), seat ajakji asem agi alemtsü aser shilem ka tetsür nem, election ajanga tokteptsü asoshi wazüka yutsütsü (not less than ONE-THIRD of the total number of seats reserved shall be reserved for women and such seats may be allotted by ROTATION to different constituencies in the Municipality. Iba ya MEZüNG-BUBA tetsürtem atema Sorkari lemtetba. ONE-THIRD (SHILEM ASEMSü LEMSAR SHILEM KA TETSüR ATEMA) ta temzüng nung zülua aliba ji Naga nungeri 33 percent ta bangpetsa jembir (commonly used), saka 33 percent ta India Temzüng Arla 243-T aser Nagaland Municipal Act,2001 nungbo zülua mangur. Yimya sübaba agi nungjaji memelenshiteter südi (koba dang English nung misnomer/name wrongly ta ajar).Iba sülen 2009 tatemlen/2010 tetenzüklen meta nungi Tanabuba ULBs election atema maparen tenzüktsüba liasü saka takok mungutet. September 22,2012 küm Nagaland Legislative Assembly senden amendang; ONE-THIRD seats tetsür nem agutsütsü ta 2006 küm lemteta akabato joko magutsütsü ta lemtet. Iba ya tetsür temeden asoshi Sorkari ANABEN-BUBA lemtetshiba.
November 16,2016 anogo nung Nagaland Chief Minister-i Tribal Hohos-tem den, tetsürtem nem menden wazüka agutsütsü (reservation) tebilemba nung senden ka amen saka public lennirtemi iba onük nungji hai-haura makatet.Saka iba senden nungji tebilemba kar Sorkar nem agutsü. Municipal Act nung SCHEDULED CASTES nisungtem nema menden wazüka agutsütsü ta zülusema alibaji endoktsüla,kechiaser Naga nunger rongnung Scheduled Castes mali ta ANGAMI PUBLIC ORGANISATION-i tebilemba ashi. Ano AO SENDEN-ia TAX ON LAND AND BUILDING (ali aser ki nung tax/alimelen agitsü) ta Municipal Act nung zülua alibaji aidoktsüla(delete/omit) ta Sorkar dang tamasa 2004 küm meta ashiba to nenshia ashi. Kechiba aidoktsüla ,kulitemji Sorkar nem Ao Senden-i agutsü (aser iba atemaji tesüsa 29.12.2016 anogo nung Sorkar nungi telangzüba tajung angu).
November 24,2016 anogo nung Nagaland Legislative Assembly-i tetsürtem nem reservation agutsütsüji tim ta jembiteper, Urban Local Bodies election nung menden (ONE-THIRD) wazüka yutsür ta renem (aser tamalen 22.09.2012 anogo nung reservation magutsütsü ta renembato endok).Iba ya tetsürtem atema Sorkari ASEMBEN-BUBA telemtetba agiba liasü.
February 1, 2017 anogo nung Municipal Council aser Town Council election agitsü ta December 21, 2016 anogo nung State Sorkari sangdong. Nüburtemi akhangba ama,December 29, 2016 anogo nung Sorkari Nagaland Municipal Act-ji tera melenshir adok ,koba dang THE NAGALAND MUNICIPAL(THIRD AMENDMENT) ACT,2016 ta aja. Yangji, temelenshi enoksembaji kar itemi: Nagaland Municipal (First Amendment)Act,2006 nung SCHEDULED CASTES ta shisema alibatemji endoker(omitted). Ano Municipal Act,2001 Section 120 (1)(a) nung TAX ON LAND AND BUILDINGS ta zülubaji endoker (omitted). Oda, 2006 küm Nagaland Legislative Assembly Senden nung Scheduled Castes nem ( Tzümar nem ta tangbo amshidi) temeden wazüka yutsübaji angatettsü tera tasak !!!
January 11,2017 nungbo Town 32 nungi Town 26 nung election ajanga tokteptsü nisung tejangja 535 shimteter liasü.Item rongnung tetsür 188 dena liasü.(Morung Express,dt.12.01.17).
Election ji February 1, 2017 anogo nung agitsu ta January 31, 2017 anogo nung Nagaland Election Commission-ia metetdaktsü.Iba sangdong denji külemi ano: ULBs electionji tensa majungba ajanga Town 7 nung magitsü (postponed) ; Town 12 nungbo agitsü;nomination shingaia magutsüba ajanga Town 10 nung election magitsü; Town 3 nung candidates den tetokteper mali adokadok anungji yangji election magitsü,ta State Election Commission-i sangdong.Total=32 Towns.
Tetsürtem nem menden ONE-THIRD wazüka toktsütsü metoktsütsü onük nung nüburtem rongnung tera telemsa adokogo ta tamalen shia aliba noksa nungjagi metetter. Item lemtet-lenden (cross-road) anogotem nung nisung taküm, rongsen, senti mapang tsütsülen takoksa tulu ajuru.
February 1, 2017 anogo nung electionji Town 12 nung agi.Kar nung agitet saka kar nungbo junga magitet. Nüburtemi maneni akhangba ama, February 2, 2017 anogo nung Nagaland State Cabinet-i ULBs election-ji tamakitsü(NULL AND VOID) ta lemtet aser sangdong. Nagaland State Election Commission-ia February 9,2017 anogo nung küsa osang-ji metetdaktsü.
December 15, 2017 anogo nung Nagaland Legislative Assembly senden amendang, tetsürtem nem menden asem shia nungi menden ka wazüka toktsütsü ta tamalen lemteta akabaji (ONE –THIRD seats reservation) meyipba agiadok (revoked) aser magutsütsü ta lemtet.Iba ya tetsürtem nem menden wazüka yutsütsü/meyutsütsü onük nung telemtetba Sorkari agiba PEZüBEN-BUBA liasü. Nagaland Municipal Act,2001 aser Women Reservation tebilemtsü maneni reprangshitsü atema Luden ka shimtsü ta Nagaland Chief Minister-i Nagaland Legislative Assembly senden amenba anogo nungji metetdaktsü. Iba sülen Cabinet Sub-Committee ka shim aser parnok tanaben-buba senden ji 11.06.2019 anogo nung menogo ta angazüker.
Nagaland atema yangluba ‘Village Development Boards Model Rules,1980(revised)’, nung shisema aliba agi, yimdaklirtem ajakji VDB nung züngsem, aser parnok tenüng nung acha-ayangtsü asoshi Management Committee ka yimtsüng shia nung alitsü.Management Committee ka nung Züngsem ajakji pezü küma lemsar shilem kaji tetsür shimtsüla (ONE-FOURTH). Iba ya yimtsüng sasep (level) nung tetsürtem ajungkettsü merangba mapa tila ka ta ashitsü akok. Municipal aser Town Council sasep nung tetsürtem koba tashika ajungket-tet-tsü ? Nagaland Municipal Act nung nung Züngsem kar (tetsür / tebur) election majangi Sorkari Nominate asütsü asoshi ONE-FIFTH nungi ONE-THIRD ta melenshiogo (ONE-THIRD out of the total number of directly elected Members).Iba ya ajanga Nominated Züngsemji (tetsür/tebur) teimba akümtsü lenmang lapoktsür. Saka,Nominated Zungsem atemabo VOTING RIGHTS maka; ibaji Nagaland Municipal (First Amendment)Act,2006 nung shisema lir.
India Temzüng Arla 371-A nung asenok nem temeden aguja lir. Iba denji ano India Temzüng Arla Arla 243-T nung Scheduled Tribe tetsürtem nem Municipality election nung tokteptsü atema temeden wazüka yuja lir. Temzüng nung aliba Arla ana tsüngda ya koba tashi tesendaktep lir, mesüra,mali ibaji jembitepa (TUG-OF-WAR) 2006 kum meta nungi Nagaland nung tenzükba joko küm terser-pezü (14) abensar. Temzüng KIBUR (Supreme Court of India) dangi moi, Nagaland litsü kübok iba Ken-O ya tajungtiba nung lateta ayutsü lenmang maneni bushi nung jungdisü ?