Tsüngrem Koda Tashi Tait Lir (T.Ken 68:28-35)

Asen tashi agi asenoki talangka metetter. Yangi Dawidi tashi angatettsü indang ashir. Paji tashi tait Tsüngrem ta angatettang ta pai ashir. “Pa merenba Israel madak lir, aser pa tashi anüngtem nunglir” (t.34). Iba tetezü pa tashi temaba nung lir. Tsüngremi mepet nungia tashi agitsü akok. Asenoki Tsüngremji temeim, taochi aser yimlibilem Tsüngrem ta bilemer. Saka asenoki Paji tashi tait Tsüngrem taaka bilemdi.
Asenoki Tsüngrem nungi tashi asüngdangtsü akok. “O Tsüngrem, na shibai onok asoshi inyak, nai ne sasa tashi itta sayu” (t.28). Tsüngrem dangi arua tanü asen nüngdak tashi Tsüngrem dang asüngdangtsü asenok maongka kar. “Saka shirnoki Kibuba dang ataa alir parnok tashi tasen angutsü: mungzütem ama tashikang agi atutsü; parnok asemtsü, aser aniseta malitsü: parnok jajatsü, aser melulatsü” (Isa.40:31). Tsüngremi Pai kechi inyakner aji inyaktsü mulungtetogo. Kodang asenoki mepishidir pai aji inyaktsü. “Nenok kecha maka kechiaser nenoki masüngdanger” (Yakob 4:2).
Tanabuba, asen tashiji Tsüngrem lir ta asenoki metettsüla. “Israel Tsüngrem, pai pei nübur nem tashi aser ain agütsür. Tsüngrem temoatsüba süang” (t.35). Tanü na tashi nüngdakra ne sasa dak tereprang mesüra tangar kar dak teranglok. Anünglen reprangang, kechiaser Tsüngrem yangji lir, aser nai asüngdangra Pai ne nem tashi agütsüner.
Aiben ne tashi alima nungi agitsü Satani atidanger. Kodang aji atalokdir iba ken ochi ya bilemtetang. Raraji maneni aotsü atema kodang na tashi nüngdakdir, sarasadem nung Tsüngrem den mapang agiang. Tashi Pa nem nunglokjang, Pa dang tashi asüngdangang, aser Pa nungi ne tashiji lir ta metettang.