Political Party tem den Kohima nung senden menogo

Dimapur, Luroi/August 13 (TYO): Political Party balala nungi züngsemtem den August 13, 2019 nü Deputy Commissioner aser District Election Officer Kohima, Gregory Thejawelie NCS Office nung senden ka menogo. Iba senden ya pre-revision exercise nung shilem ka ama Electors Verification Programme (EVP) dak sendakba nung mena liasü.
Senden nung DC & DEO-i ashiba agi, election inyakyim tanga dak alaka Electoral Roll renemba ya tongtibang maparen ka lir kechiyong E-Rolls renemer aliba dak ajemdaker election agir. Paisa, E-Rolls renemtsü asoshi ajak senteper inyaktsü nüngdaker, ta ashi.
Anungji pai,political party balala nungi züngsemtem dang tarutsü nung iba inyakyim nung teka amteper inyakyonga aotsü mepeshi.
Special Summary Revision of Photo Electoral Rolls w.r.t 01.01.2020 (qualifying date) dak sendakba nung DC-i ashiba agi, temetongshitsü aliba aser tenüng indokba dak alaka shirnoksa qualifying date tashi nung arishi küm 18 jungogo, parnok tenüng E-Rolls nung alitsüla aser malirtem inoktsüla.
Paisa, iba inyakyim kübok maparen balala indang metetdaktsü, kong Electors Verification Programme, 2019 September 1 nü nungi 30 tashi inyaktsüba densema lir aser iba mapang verification/corrective tem agitsü, ta ashi.
BLO temi kibong shia dangi ia verification maparen inyaktsü koba külemi dang September 1 nungi 30 tashi inyaktsü. Polling Stations rationalization, Provision dena inyaktsü aser E-Roll Draft Publication 2019 October 15 nü inyaktsü. DC-isa, Election Department aser sorkar-i BLO aser tanga ketdangsertem shimba dak alia BLO tem den teka amteper inyakyonga aotsü atema Political Party temi Booth Level Agents (BLAs) shimtsü nüngdaker ta ashi. Maneni political party temi iba inyakyim takok nung bener aotsü asoshi temulung agüja inyaktsü imlaba lemsatep.
Senden nungsa Assistant Election Officer, Toshimeren-i Electors Verification Programme nükjidong aser iba inyakyim nung BLO tem shilem metetdaktsü. Paisa, political party tem dang iba osang ya jenjang balala nung ketdangsertem nem metetdaktsütsü asoshi mepeshiba den tai maket E- Rolls ka yanglutsü asoshi iba inyakyim mapang nüburtem tejakleni arua pei tenüng jangjashitsü atema ajungshitsü mepeshi, ta DPRO, Kohima sangdong ka ajanga metetdaktsü.