M Venkaiah Naidu-i Lithuania, Latvia aser Estonia linüktem semdangtsü

New Delhi, August 14 (Agencies): Linük tatong Tir, M Venkaiah Naidu-i August 17-21 anogotem nung Baltic linüktem- Lithuania, Latvia aser Estonia semdangtsü.
Pa meina aotsüpurtem team nung Minister of State (MoS) for HRD, Communications and Electronics & Information Technology, Sanjay Shamrao Dhotre, Rajya Sabha MP, Ranee Narah, MP, Manas Ranjan Bhunia, Lok Sabha MP, Ramesh Bidhuri aser sorkar ketdangsertem densema lir.
India aser Baltic linüktem tsüngda putiotsü tesendaktep aser oshiopen tesendaktep lir.
Naidu-i item linük semdangba mapang nung yimtenren tesendaktep aser shishilembaba jenjang tajungba akümtsü atema jembitsü.
Lithuania (17-19 August 2019) nung Naidu-i Lithuania Tir, Gitanas Nauseda den senden amentsü aser Seimas Speaker, Viktoras Pranckietis ajurutsü. Paisa yangji aliba India sensotem den jembitsü aser India-Lithuania Business Forum nunga jembitsü.
Latvia (19-20 August 2019) nung pai Latvia Tir, Eglis Levits den senden amentsü aser Ato kilonser, Krisjanis Karins aser Acting Speaker of the Saeima aser Minister, Inese Libina-Egnere nata ajurutsü. Business Forum senden nung pai shilem agitsü.
Estonia (20-21 August 2019) nung Naidu-i Estonia Tir, Kersti Kaljulaid, Ato kilonser, Juri Ratas aser Riigikogu (Estonian Parliament) Tir, Henn Polluaas nunger ajurua senden amentsü.