Assam railway station nung WiFi service agütsü

Guwahati, August 16 (Agencies): 73 buba Independence Day nung Assam kübok railway stations 6 nung angati WiFi agütsüogo.
Gohpur, Harmoti, Helem, Nizborgaon, Taibahor aser Dubia railway station tem nung angati WiFi ji agütsü.
Brihostibarnü linük kübok railway stations 71 nung Indian Railways-i angati WiFi agütsü aser iba nung Assam nung station trok dena lir.
Item ya züngsema tang tashi nung India kübok railway stations 2820 nung WiFi facility agütsüogo.
Angati Wi-Fi service ya RailWire brand ajanga agütsür aser iba ya RailTel indang retail broadband lir.
Taküm May ita railway station balala nung nisung crore 2 temai WiFi facility amshiba bushitetogo.
RailTel Corporation of India ya public sector enterprise ka lir aser iba ya Indian Railways nung control operations aser safety system tajungba kümdaktsütsü atema broadband, telecom aser multimedia network tentettsü atema tenzükba lir.
Train nung WiFi connection angati agütsüba ya Prime minister Narendra Modi indang ‘Digital Media’ maparen ajungketba nung shilem ka lir.
RailTel-i A1, A category railway stations nung passengers atema WiFi tekara agütsür aser technology partner atema Google aniokogo.