NNF-i AGBM senden ayonger

Dimapur, August 16 (TYO): Nagaland NGOs Forum-i Child Adoption & Naga Societies, CARA Guidelines, Naga Customary Practices vis-a-vis Article 371 (A) atema consultative senden ka August 20, 2019 anepdang 9:30 nungi Tourist Lodge, Dimapur nung ayongzüker, anungji districts nungi tongtibang stake holders, sorkar agencies aser yimtenren party balala nungi lenirtemi tongtibang consultation ajak nung shilem agitsü imlar, ta NNF President, Dr.Y.Hesheto Chishi aser General Secretary, Chenithung Humtsoe nati sangdong ka ajanga metetdaktsü.
Consultation senden sülen nikongdang session nung NFF Annual General Body Meeting (AGBM) amentsü, anungji designated District Conveners mesüra interim representatives ajak dang peipei district tenüng nung shilem agitsü mepishia metetdaktsür; enrolment magi aliba district temia registrations agitettsü akok, ta kasa sangdong ajanga metetdaktsü. Nenoki shilem agitettsü süra August 18, 2019 tashi nung Wattsapp page ajanga osang metetdakjang, ta kasa sangdong nung shia lir.