ENPO-i Frontier Nagaland takhangba agütsür

Kohima, August 16 (TYO): Eastern Nagaland Peoples’ Organisation (ENPO)-i tanü-a Frontier Nagaland tentettsü takhangba agütsüogo.
NBCC Convention Hall nung Nagaland Governor R N Ravi pela agizükba sentong nung o jembidang ENPO president Kekongchim Yimchungrü-i “Frontier Nagaland takhangba ya kin mesüra telok kar dak tamajung bilema masü saka onok khuret aser putiotsü temetentem nung ajemdaker agütsür” ta metetdaktsü. Paisa non-ENPO kintem dang shisadangtsü mepishi.
“ENPO atema Nagaland ta asüba olung ka kanga tongtipang lir aser iba jagi onoki Frontier Nagaland ta akhanger. Iba ajanga onok Naga nungersa lir ta asüba sayur. Nagaland ana asü nungbo ibaji temoatsü tulu ka asütsü” ta ENPO president-isa ashi.
ENPO president Kekongchim-isa R.N Ravi aser kinungtsü na pelaa agizüka jembidang “Nagaland state kümtetba sülen nungi temeten meshia arur Eastern Nagaland nung alirtem nai (Ravi) mamatsü aser onok nem ochi obendang agütsütsü teimla lir” ta ashi.