Tenüngsang agütsüba osang (T. Ken 73:1-28)

Asaphi Tsüngrem indang pai amangba nung ochi shia nokdak, saka pa ajutok kechiaser pai kiyonger dak tenük yok aser tenük merem. Kechiba tamajunger azükaru ta pai süngmang. Kodang pai tenüng asangba sama, pa metsüdaktsü tenzük aser timatem. Pai meketa alir mereprangi azüklen repranga telangzüba bushitsüba liasü.
Asaphi tamajunger tatembangji metet. Tongtipang tasüngdangbaji “na kong lir?” ta masü saka “na kongi aor?” Nai tesatemba lemang kong teraksa lir aji agir asü temesüba lemang koba agi taküm dangi anir (t.20) aji agir. Ken züluri Tsüngrem dak reprang aser tengutetba kar angu. Mezüngbuba pa asenok den atentsü nangzükba asoshi asenoki Pa tenüng asangtsüla. Pa tenüng Imanuel, koba tetezü “Tsüngrem asenok den dena lir” (Matt. 1:23).
Tanabuba, asenok Pa teka agi sotta lir. Asenoki Tsüngrem teka ain teyangluba nung angur. Pa teka tanüki asenok tzü tasüngtet anasai aniba asenoki angur. Aser kangki Pa teka angenlokba aser asenok asoshi asüba angur.
Tasembuba, asenok Pa ozüngi aniba asenoki angur. Tsüngremer ozüng aser tenyaba ajak asoshi lir, saka pai asenok kija shia metetta lir. Pai asenok nu menden nung alidang metet aser asenok Pai mulungba ama alitsü. Pai renemtsü. Mapang ka nung anogo ka dang liang aser mapang ka nung mera ka dang merang (A.Shin 4:18). Iba tajungshibaji Tsüngrem O nungi sarasadem nungi arur.
Tatemsa, asenoki Pa kotak sentsüwangshi angutsü. Khristan ama asenoki asenok kotaki aotsü ta metet kechiaser Khristai iba jenjangji kangki nung angutsü (1Tesa. 5:10), Pai nangzük (Yn.14:2,3) aser Pai sarasadem (Yn. 17:24). Asenoki tanü ajakbo mangatettsü, saka tarutsü nung asenok sentsüwangshi lir (1 Peter 1:3,2; 2Peter 1:11; Fil. 4:4).
Khristan ka ama nai tenüngsangtsü aika lir. Tsüngrem ne den lir. Kodang alima ochi mashiba nung na teimla makai kümdir anenang,anüng len reprangang aser Tsüngrem temoatsütem asoshi Pa tenüng sangang.