Kohima Airport atema inyakdar: DoNER

New Delhi, Aug. 21 (Agencies): Bodhbarnü Nagaland Chief Minister, Neiphiu Rio den tongti ketdangsertemi Union Minister of State (Independent Charge) Development of North Eastern Region (DoNER), MoS PMO, Personnel, Public Grievances, Pensions, Atomic Energy & Space, Dr Jitendra Singh ajurua Kohima kübok “Ciethu” nung airport yanglutsü atema benok.
Iba senden nung Dr. Jitendra Singh-i Chief Minister dang, Kohima nung airport yanglutsü atema DoNER Ministry-i kanga nendaka inyakdar aser state sorkari airport atema tetemjen tesem jangjaba sülen Airport Authority of India-i technical feasibility report renemdar, ta metetdaktsü.
CM-i DoNER Minister dang, airport amenoktsü atema sen crore 6,000 shi indoktsü, anungji DoNER mesüra North-Eastern Council (NEC)-ia senotsü agi yaritepdaktsüner, ta mepishia metetdaktsü.
DoNER Minister-i CM dang, iba project atema sen crore 1,000 lemzüktsütsü atema Ministry-i proposal agütsüogo, ta metetdaktsü. Dr. Jitendra Singh-i, Ato kilonser, Narendra Modi-i Northeast nung aliba state tiprongla, talisa kanga tezülen aliba Nagaland ama state tem atema bilemja inyaker, ta ashi.
Singh-isa, Ato kilonser tetuyuba nung NE nung terenlok project ajak kanga kera inyaker, aser mapang telatet nung project tembanga inyaker, ta metetdaktsü.