2019-23 kümsük atema NTC mendenpurtem shim

Dimapur, Luroi/August 21 (TYO): Nagaland Tribes Council (NTC) lenitsü asoshi yashi Dimapur nung senden ka mena mendenpurtem shimogo. Parnokji taküm 2019 küm nungi 2023 küm tashi inyaktsü.
NTC mendenpurtemji tir Wb. Toniho Yepthomi aser tongti zülur Wb. Nribemo Ngullie nati anir tadong tir Wb.Visa Meru aser Wb.Imsüno Ao na asütsü aser tezülur Wb.Atathu Thur aser senyur Wb.Hievilhou Metha asütsü teloki mulunga agizükogo.
Parnok mendenpurtem denji Advsior asütsü asoshi Wb. Kethozhapu Sahu, Wb.Akang Ao, Wb.Zhovehu Lohe, Wb.Nchumbemo Tungoe, Dr. Hokishe Yepthomi aser Dr.Khanglo Magh shimtetogo. Ano, NTC Sanen Luden nung nisung ter shimteta lir.