Tekülemdak tasen ka -T. Ken 74:1-11

Babylon nungeri yimti aser tekülemdak raksatsübaji Yihuda nunger asoshi timtem liasü. Asaphi züluba nung kecha tesüngmangtsü mali, “Tsüngrem, nai kechiba ni teti endok? Kechiba ne chiyimdak san anema nai ain adoker?” (t.1). Nüburi temenen inyakba agi ya atalok ta bilemtetang. Parnok yimti tulu liasü. Parnok meyong tebur tajung tekülemdak liasü. Tebilemtsüji parnoki yimti aser tekülem ki dak temulung alem, saka parnoki Kibuba dang tashi manga. Parnok temenen, tekülemdakji menentsü. Parnoki iba rakzükraktemer ki kümdaktsü (Yr. 7:11). Tsüngremi ibaji memelatsü, anungji pai Babylon nunger dang aji raksatsütsü mela. T.Ken 74 nung Asaph temulung raksaba jungkai adok.
Tanüa tsükchirtemi Tsüngremer mapa raksatsür. “Parnok süngdong nunger dak nok yoktsü merangba nisungtem ama lir” (t.5). Tsüngremer nisungi kechi inyaktsü akok? Asaphi Tsüngremer asoshi kechi ashi reprangang. Asenok pa san chiyimdak chiyimertem lir (t.1). Pa Sannüker Tajung, aser santem asoshi pai pa taküm agütsü. Babylon nunger noktangtsü san kechi nok-o-nü aka? Yisu, Sannüker.
Ano asenok Tsüngremer telok. “Lipok nungi nai alizükba telok, koba nai ne senmangtsü kin asoshi alangzükogo, aji bilemtettang” (t.2). Asenok taliba aser alangzükba purtem lir. “Zion tenem kechi nung na ali aji bilemtettang” (t.2). Tsüngrem asenok den lir. Yirusalem aser tekülem ki raksaogo, saka Pa terezüngdak tuluba lar. Yisu alimai aru aser
Tsüngrem sentsüwangshi jungkai adoktsü. Tang tasenba ki, pei Arogo aser ibaji kodanga meraksatsü.
Tsüngrem ne mulung alemdak. Nai Pa dak temulung lemra, nai Pa dang tashi anganütsü. Temelen alimai agütsüba nung temulung malemtsü kümdangang. Satani pai akokba tashi inyaktsü. Kibuba dak tamang yuang aser Pai kodanga tamakok maludaktsütsü ta pelaa liang.