Guwahati nung NE Zone Officers Conference tenzükogo

Guwahati, Luroi/August 23 (TYO): August 23, 2019 nungi tenzüka Greenwood Resort, Guwahati nung anogo ananü North East Zone officers conference tenzükogo, ta ketdangsertem osang ka ajanga metetdaktsü.
Iba conference nung jembitsü onüktem rongnung: ‘Role of theme based & Zero budget Communication in Northeast’, ‘Integrated Communication approach of AIR, DDK with the Bureau of Outreach & Communication’ aser ‘Coordination with Directorate of Information & Public Relations (DIPR) of NE States’ densema lir.
August 23, 2019 nü tetenzük sentong nung Director General, (NE Zone), Vishwanath-i lokti pelaa agizükba o jembia liasü.
Tanü iba sentong nung o jembirtemji Director General, Bureau of Outreach & Communication, Satyendra Prakash aser Joint Secretary (P&A), Vikram Sahay na liasü.