Kipheri o Zunheboto nung 7buba Economic Census tenzüktsüogo

Kiphire/Zunheboto, Luroi/August 26, 2019 (TYO): Kiphire district kübok Deputy Commissioner Office’s Conference Hall nung August 26, 2019 Hombarnü DC Kiphire M. Shayung Phom densema 7buba Economic Census lapoktsüba sentong achaayanga agiogo.
D.C, Phom-i ashiba agi, iba census maparen ya Nagaland state kisüng nung dang masü saka India tesem ajungalen achaayanga agir.
Census maparen nung achaayangertem (enumerators) dang pei nem lemzüktsüba mapa nendaka aser ochishia inyaktsü asoshi D.C.-i ajungshia liasü.
Enumeration inyakyim mapang enumerators-i mepetmesü aser timtem kar danga ajurura parnok nem teyari agütsütsü asoshi paisa nüburtem dang mepishia liasü. Iba sentong nung District Manager CSC SPV e-governance Kiphire, Horiba-i o jembi.
Maneni, Zunheboto district nunga 7buba Economic census 2019 August 26, 2019 nü tenzükja liasü. Anungji, iba maparen dak sendakba nung Zunheboto district kübok ADCs, SDOs aser EACs tem dang pei nem lemzüktsüba tesem telungtet nung Economic Census indang VCC/GBs dang metetdaktsütsü aser iba denji külemi census maparen nung enumerators/supervisors den teka amtepa nungittsü asoshi metetdakja liasü.