Nagaland nung 7th Economic Census tenzükogo

Dimapur, August 26 (TYO): August 26, 2019 nü Nagaland nung 7th Economic Census, 2019 mapa tenzükogo.
Nagaland Civil Secretariat Kohima nung tanü Principal Secretary, IT & C and Power, K.D Vizo-i iba mapa tenzükja liasü.
Iba mapa ya Ministry of Statistics kübok aser CSC eGovernance Service India Limited den yaritepa inyaker.
Economic Census 2019 ya India rongsenkettsüng indang census lir, kechiyong iba mapa ajanga linük nung entrepreneurial units ajak azüngtsü. 7th economic census nung rongsenkettsüng dak sendakba maparen ajak züluoktsü, ta K.D. Vizo-i tanü ashi.
Ministry of Statistics den yaritepa common service centre (CSC) aser programme implementation (MoSPI) nem data bendentsü mnapa nungloktsüogo. MoSPI-i osang bendentsü atema IT based mobile application amshitsü, ta paisa metetdaktsü.
Tanü data tajung bendentsü nüngdaker aser linük mesüra state ka indang tashiji osang shitak bendenba ajanga asadangtettsü. Anungji, iba atema transaction ajak online nung angutsü aser iba atema IT & C aser Economics and Statistics Department-i osang shitak bendentsü aser economic status shitakba bushitettsü, ta Vizo-isa shisem.
Tanü Phek, Wokha, Zunheboto, Kiphire, Longleng, Mon aser Tuensang district tem nung külemi 7th Economic Census mapa tenzüka liasü. Tanüngba district asem- Dimapur, Mokokchung aser Peren nung September 2019 tetenzüklen nungi iba mapa tenzüktsü.
CSC-i Enumerator 1252 aser Supervisor 305 (ajak agi nübo 1557) nem mapa lemzüktsüogo. Parnok nem training tajung agütsüogo aser parnoki Enumeration areas 2264 (1481 rural aser 783 urban Enumeration areas) sema senzütsü.
Nagaland nung 7th Economic Census tenzükba sentong nung mendenji Commissioner & Secretary Economics & Statistics, Kelei Zeliang liasü.