AICTE-i Nagaland nung polytechnic institution 2 yaritsü; Nagaland Guest House atema DDA nem sen agütsütsü mali

Dimapur, August 26 (TYO): Higher & Technical Education and Tribal Affairs Minister Temjen Imna Along-i tanü New Delhi nung Union Minister for Tribal Affairs, Arjun Munda den ajurutepogo.
Iba mapang Addl Chief Secretary, Tribal Affairs Lhoubeilatuo Kire aser DUDA department ketdangsertemi Minister Along meina ao.
Senden amendang Imna Along-i Union Minister dang mapang talang ka nungi nüngdaka aruba Department for Tribal Affairs tasen tawa ang Nagaland nung tentetogo ta metetdaktsü.
Idangji Union Minister Arjun Munda-i Nagaland nem teyari agütsütsü aser kobi melii projects/schemes meyipa reprangshitsü ta ashi.
Union Minister-isa TRIFED atema jembidang “DUDA department-i benokba onüktem Ministry-i agizüktsü” ta ashi.
Tanü Minister Imna Along-i AICTE indang Chairman Dr. Anil D. Sahasrabudhe den ajurutep.
Iba mapang Kethosituo Sekhose, DRC aser Technical department ketdangsertem liasü.
Dr. Anil den senden amendang Khelhoshe Polytechnic, Atoizu aser Government Polytechnic, Kohima upgradation asütsüba den AICTE indang scheme tem benoka jembitep.
Taküm küm tatemlen tashi nung Nagaland nung polytechnic ana upgradation asütsüba telemtetba agitsü aser state sorkari tekaratiba nung infrastructure ajungkettsüba aser post creation nangzüka aliba ama inyaktsü mepishir, ta AICTE Chairman-isa metetaktsü.
AICTE-isa polytechnic institution ana nung osettem alitsü atema senotsü agütsütsü renema dang lir aser DPRs yangluba nunga yariteptsü, ta Dr. Anil-isa ashi.
State sorkari AICTE nungi Technical Institutes atema ground water harvesting, Internet WAN/LAN/Fiber Optics installations aser Solar Power plants amenoktsüba indang scheme tem nungi teyari agitsüla, ta paisa shisem.
Nagaland guest house, Dwarka: PWD Minister (housing & mechanical) Tongpang Ozukum den külemi PWD (housing & mechanical) Department ketdangsertemi New Delhi nung Nagaland Guest house yangluba semdangogo.
August 24, 2019 nü parnoki Dwarka nung iba ki yangluba semdang M/s Ansari & co ketdangsertem den ajurutepa olemtep.
M/s Ansari & co-i Dwarka phase-1 type I , II , IV aser V kiojentem yanglur aser parnoki September 2019 tashi nung type I & II kiojentem renemtsü ta ashi.
Maneni, Dwarka phase-ll , type – III yangluba company M/s Gupta Bros (India)-ia anogo 105 tsüngda mapa 8 (electrical sub-station, main LT panel, external fire fighting, external electrical cabling, external lighting, sewage disposal, storm water drain & campus development) renemtsü mulunga agizük.
Delhi Development Authority (DDA) nungi temelaba angutsü atema item mapa 8 ya renemtsüsa akümer.
May 8, 2019 nü Delhi Jal Board-i Department dang water and sewage connection atema infrastructure charges ta ser Rs. 1,69,03,668 meshia shidi ka zülu. Ibaji September 8, 2019 tashi nung agütsütsü atema mapa latetja lir saka PWD (Housing & Mechanical) ket nung iba sen agütsütsüji mali. Senji magütsüra Nagaland Guest house Dwarka, New Delhi nung Type I & II building renemaka melitettsü.
Iba ki ya Naga nunger temang anepalutsü aser admissions atema aodang teyari anguba dang masü saka state atema sen aazüktsü aser iba jagi deparment-i tan financial year tsüngda Staff quarters aser Rental building atema type. I, II & II A kiojentem renemnür. Iba atema parnoki Delhi Development Authority dangi temepishiba yokogo.