P & AR department-i sangdonger

Dimapur, Luroi/August 27 (TYO): Department of Personnel and Administrative Reforms Department (Administrative Reforms Branch)-i sangdong ka ajanga küm tatakzük agütsür aliba adener alirtem mapa nung shimtsü atema taitok kecha magütsütsü aser parnok meshimtsü ta metetdaktsüba den overage nisungtem mapa nung meshimoktsü asoshi tetuyuba agütsüogo. Ajisüaka 2018 July ita 30 sülena Department kar nungibo taitok asoshi ken o benokba kar agizükogo.
State sorkari department balala nung iba amala inyakyim mishidakba asadangogo. Anungji department ajak dang ken o kar danga bangdaka lira ibaji bentettsü asoshi tatembangbuba osang agütsüogo aser parnok indang report, 2019 October 31 tashi nungbo P & AR department nem tamakok maludaktsüi agütsütsü tetuyuba agütsüogo. Tarutsü nung ken o kar danga arura khuret ajak AHOD & HOD temi abentsü, ta ketdangser sangdong ajanga metetdaktsü.