Wokha district Administration-i ali kiburtem nem metetdaktsür

Dimapur, Luroi/August 27 (Agencies): Wokha district Administration-i sangdong ka ajanga, Ministry of Road Transport & Highways-i 2019 küm March ita 29 nü Ministry’s letter No.NH-12014/65/2018/NG/Zone -V ajanga administrative approval, technical approval & financial sanction sütsüba metetdaktsüogo. Iba telemtetba ya NH-61(New-02) nung KM 83 nungi KM 101 tashi lenmang atsülangshiba mapang kiojen raksaba tanaben asadangshitsü asoshi lir. Iba dak sendakba nung District Administration & PWD (National Highways)-i achaayanga item tesemtem asadangba sentong ka agitsü, anungji New Wokha yimtsüng, Koio yimtsüng, Tsungiki yimtsüng, Chukitong jila aser Thenhyan yimtsüng councils tem dang department den teka amteper inyaktsü mepeshia metetdaktsüogo. Tesem balala asadangba sentong ya 2019, September 2 nü nungi tenzüktsü.
District Administration-isa New Wokha yimtsüng, Koio yimtsüng, Tsungiki yimtsüng, Chukitong jila aser Thenhyan yimtsüng nung aliba nüburtem dang KM 83 (Hammock Resort) nungi KM 101 (Tsungiki yimtsüng) tashi lenmang atsülangshia aoba ajanga kiojen dak kongshitsü aliba tem asadanga compensation atema taoba mapang asatepba ya magitsü ta metetdaktsüogo, kechiyong Ministry of Road Transport & Highways (MoRT & H )-i, Right of Ways( RoW) & Alignment dak ajemdaker inyakyim kar melenshiogo, ta DPRO Wokha sangdong ka ajanga metetdaktsü.