NBDA-i Taiwan young agriculture ambassadors den ajurutep

Dimapur, Luroi/August 27 (TYO): Nagaland Bamboo Development Agency-i, Taiwan young agriculture ambassadors den August 24 nü New Delhi nung ajurutepogo. Iba sentong ya Nagaland Chief Minister, Neiphiu Rio-i bamboo sector nung India aser Taiwan tsüngda tesendaktep ka amenoktsü asoshi achaayangba nung shilem ka lir.
Nagaland team nung ACS & Principal Resident Commissioner, Nagaland House, New Delhi Joyti Kailash aser Mission Director, NBDA Imtirenla Jamir na den tanga ketdangsertem densema liasü. Taiwan nunger team nung Assistant Representative, Taipei Cultural and Economic Centre, New Delhi Frank Tsay aser Deputy Director General, Council of Agriculture, Taiwan Lin, Chih-Hung na dena liasü. Senden nung linük ana tsüngda tesendaktep asoshi sensaksemogo, ta ketdangser sangdong ka ajanga metetdaktsü.