AAA-i Sakus Mission College semdang

Dimapur, August 28 (TYO): Academic & Administrative Audit Team nung züngsem asem- Dr. Watijungshi (Convener), Dr. R.K. Behera (züngsem) aser Dr. Vitsosie Vüprü (züngsem) nungeri August 28, 2019 nü Sakus Mission College semdang, ta osang ka ajanga metetdaktsü.
Sentong tenzüka Sakus Mission College Principal, Dr. Arenla Aier-i College indang osang aser tesüiba küm pongu indang Academic result tasadangba ametetdaktsü.
Team-isa college nung departments balala, cells aser committee conveners aser non – teaching staff tem ajurua shisa lemsatep.
Tatembangbuba sentong nung mendenbulaji Kr. Asenla Yanger, IQAC Co-Ordinator, SMC liasü aser AAA Team tenüng nung Addl. Director (Retd), Higher Education, Kohima, Nagaland, Dr. Watijungshi-i o tembang jembia liasü.