Mokokchung DC & DEO-i sangdonger

Mokokchung, August 28 (TYO): District Election Officer Mokokchung, Rajesh Soundararajan IAS-i Mokokchung district kübok aliba constituencies- 21 Tuli; 22 Arkakong; 23 Impur; 24 Angetyongpang; 25 Mongoya; 26 Aonglenden; 27 Mokokchung Town; 28 Koridang; 29 Jangpetkong aser 30 Alongtaki Assembly Constituencies indang polling stations atema renemba draft list metetdaktsüogo, ta ketdangsertem osang ka ajanga metetdaktsü.
Nüburtemi reprangtsü atema Polling stations indang draft list ji Mokokchung District Election Officer indang office nung angutsü, anungji draft list nung tashishiba kar lira mesüra tebilemba lemsatepnüra Sepatember 5, 2019 tashi nung nüburtemi tezüluba nung District Election Officer, Mokokchung nem agüjang, ta kasa osang nung shia lir.