Dimapur nung security sepaitem Jt. Security drill agi

Dimapur, August 28 (TYO): August 27, 2019 nü Dimapur nung Nagaland Police (Special Task Force) aser Assam Rifles nati Security Drill ayongzüka agiogo; iba exercise ya security aser disaster relief contingencies atema stakeholders ajaki longjemer inyaktsü nükjidong nung liasü.
Iba exercise nung shilem agir sepaitemi operation balala ajak amalitepa longjemer agitsü atema o lemtepa liasü. Item rongnung check posts amenokba, area domination, intelligence osang lemsatepba aser alima tzü mopung lendong balala mapang teyari agütsütsü dense ma lir.
Iba exercise agiba ajanga sepai force balala indang jenjang angatet, koba ajanga tarutsü nung tatalokbatem atema inyaktsü atema asalentong yanglutet.
Iba sentong tembanga shailem agirtemi amalitep akaba den külemi exercise agiba mapa ng nung tangazükbatem akaba indang melung asüba lemsatepa liasü.