Dimapur nung Traffic tetuyuba ka agütsür

Dimapur, August 28 (TYO): September 2, 2019 nungi Zion Hospital Junction nungi Purana Bazar SBI Branch tashi lenmang tasen yangluba nung “NO PARKING ZONE” alitsü metetdaktsür, ta Dimapur Traffic Police-i sangdong ka nung ashi.
Ajisüaka, kasa lenmang külenbo (meyanglubalen) single lane parking alitsü, ta parnokisa ashi.
Iba tetuyuba ta traffic tip atemtsü aser public timtem majurutsü atema agütsür anungji ajaki iba tetuyuba sülen anidaktsü, ta Addl. Dy. Commissioner of Police/PRO, Dimapur-i sangdong nung shia lir.