Kohima District nung plastic ajema amshitsü atema mepeshi

Dimapur, Luroi/August 29 (Agencies): DC Kohima aser Vice Chairman District Planning & Development Board, Gregory Thejawelie lenisüba kübok tawa tentetba District Level Taskforce restricting Single Use Plastics-i, August 28 nü senden nung lemtetba ama Kohima district kübok Government Offices , Institutions, Schools aser Arogo tem dang teküboklen agüja aliba khen dang amshiba plastic osettem mamshitsü asoshi mepeshia metetdaktsüogo.
1. Taitsü maketba plastic carry bags ajak
2. Plastic agi yangluba auso, marok, straw, stirrers amala
3. Styrofoam agi yangluba decorative oset aser Cutlery
4. Polythene
5. Nylon
6. Poly-vinyl-chloride
7. Poly-propylene
8. Poly-styrene
Taskforce-isa Government Office aser Institution ajak dang tzü liter 20 tekübok tajemtsü tzü bottle mamshitsü aser iba melena filtered water dispenser/RO plants amala amshitsü mepeshi. Sorkar kübok inyakertem ajak dang tanaben amshitetba tzü bottle amshitsü ajungshiogo, ta ketdangser sangdong ka ajanga metetdaktsü.