Mokokchung nung “Fit India Movement” ayongzüka agi

Mokokchung, Luroi/August 29, 2019 (TYO): India nung tanüngba tesem den külemi, District Health society, Mokokchung-i August 29, 2019′ Brehostibarnü IDSP Conference Hall IMDH, Mokokchung nung “FIT INDIA MOVEMENT” munga liasü.
CMO Office-i ashiba agi, “Fit India Movement” sentong tatsüka ayongzüka liasü, kong Dr. Ayangla Saku DPO (UIP &RCH)-i iba mapatong indang nung jembi, ta DPMU sangdong ka ajanga metetdaktsü.
Dr. Ayangla-i ashiba agi, India indang Global Healthcare aser Happiness index tajungba melenshitsütsü atema Ato Kilonser Modi-i inyakdar.
Laisa, Fit India Movement indang tasa indang rasa ashi, kong sensopurtem atema temang anema alitsü inyakyim balala aser saisapong teyari demsema lir.
Dr. R Chubala Aier CMO-i fitness tenangzükba zünga liasü. Sentong nung Dr Kibangkumba Dy.CMO menden liasü aser Dr Medemmayang Medical Superintendent-i tepela anküp o jembi.