CM-i asür Netsutso Theyo mang ayimer

Dimapur, August 30 (TYO): Taoba Minister aser Nagaland Peace Centre Chairman Netsutso Theyo asüba osang angashia temulung raksar, ta Chief Minister Neiphiu Rio-i sangdong ka nung ashi.
Asür N. Theyo-i pa lanur asü dang nungi lokti tenzüka aru. Pa ya kaketshir lennir ka liasü aser Nagaland state nguli pai elections nung toktep aser deputy Minister o Minister mapa balala inyaka liasü, ta Neiphiu Rio-i ashi.
Pai lokti aser meimchirtem atema mapa jenti inyak aser pai pa taküm ajunga Naga nunger ajungtsü atema bendanga agüja tenzük. Pa asübaji par kibong mesüra Chakhesang nunger atema dang masü saka Naga nunger ajak atema takoksa lir, ta paisa shisem.
“Ni aser kü kinungtsüi tasür kibong den asükhu lemsateper aser Tsüngremi tashi aser tesünep agüjang ta sarsademtsür. Maneni tasür tanüla teti anisüngzük ngudakjangma,” ta Chief Minister Rio-isa ashi.