Drivers’ Union-i tenüngsang agütsür

Dimapur, Rongjui/September 10 (TYO): All Nagaland Directorate & District Govt. Drivers’ Union (AND & DGDU)-i Department of Controller of Legal Metrology & Consumers Protection, Nagaland kübok Zeneikho Suohumvi (Head Driver)-i 72buba Independence Day, 2019 amungba mapang tetushi “Governor’s Gold Medal” agizükba atema tenüngsang agütsüogo. Iba takok tulu asoshi Union kanga pelaba lemsatepba den teyanglur Tsüngremi tarutsü nung pa taküm aser wadang maneni temoatsüma nung aniang ta sarasademtsüba, ketdangser sangdong ka ajanga metetdaktsü.