Mkg nung Seventh Economic Census programme amenokogo

Dimapur, Rongjui/September 10 (TYO): 2019 küm August/September aser November/December tsüngda agitsü aliba Seventh Economic Census 2019 amenokba sentong Mokokchung Deputy Commissioner, office nung September 9 nü agiogo.
Common Service Centres (CSCs)-i shimba enumerators/supervisors temi Mokokchung district kübok kibongshia dangi tua economics activities dak sendakba nung osang agitsü aser jangjashitsü.
Deputy Commissioner, Mokokchung Rajesh Soundararajan-i Mokokchung district kübok aliba nüburtem dang osang tejangja agütsütsü aser Economic Census 2019 nung sendaka aliba nüburtem nem maparen mapang shidak nung tembanga inyaktettsü atema teyari agütsüba den teka amteper inyaktsü mepeshia metetdaktsüogo, ta ketdangser sangdong ajanga metetdaktsü.