DIG (Range/NAP) Mkg-i ayongzüka Range level literary tetoktepba agi

Mokokchung, Rongjui/September 13, 2019: Hokolbarnü ADC Conference Hall, Mokokchung nung Range level tetoktepba balala nung takok angurtem, tetendangertem aser DIG (Range/NAP) ketdangsertem külemi tangokba noksa nung angur.

Mokokchung, September 13 (TYO): Nagaland Police Family Welfare Association kübok DIG (Range/NAP), Mokokchung-i ayongzüka September 13 nü ADC conference hall, Mokokchung nung Range level literary tetoktepba agiogo, ta ketdangsertem osang ka ajanga metetdaktsü.
O toktepba, otsüno zülutepba aser Painting tetoktepba nung DEF Mokokchung, DEF Mon, DEF Longleng aser 2nd NAP BN nungi züngsemtemi shilem agi.
“Is Plastic free Nagaland a Myth?” onük nung o toktep aser “Plastic free Nagaland” onük nung otsüno zülutepba aser painting tetoktepba agi. Item teoktepba ya DIG (Range/NAP), Mokokchung kübok Nagaland Police chinurtem atema liasü.
Kasa anogo nungsa “Naga Customary Practices and Tradition are in tune with changing times” onük nung ajemdaker meimchir temeden awareness atema DIG Range o toktepba sentong ka agi, aser iba tetoktepba nungji DEF Mokokchung, DEF Mon, DEF Longleng aser 12th NAP (IR) BN züngsemtemi shilem agia liasü. DIG range debate competition tetoktepba nung takok angurtemi State level debate nung shilem agitsü.
Ano tanga tetoktepba balala nung takok angurtemia taküm November ita Police Meet mapang state level competition nung shilem agitsü.
Item tetoktepba nung tetendangertemji Temsuchuba Jamir, EAC, Mokokchung, Sentinaro, Advocate aser Limasenla Jamir, Asst. Prof. Jubilee Memorial College, Mokokchung nunger liasü.
Item tetoktepba ya Pholosing Sangtam NPS, Dy. SP (R) Mokokchung leniba nung agi aser DIG (RANGE/NAP), Mokokchung, Etssimongo Ngullie, IPS-i okila jembia liasü.
Sentong tembanga Addl.SP, Mokokchung, Imtimeren, NPS-i tepela anküp o jembi.