ACAUT & PSAN-i NNQF pusemer

Dimapur, September 13 (TYO): Nagaland NET Qualified Forum (NNQF)-i Higher Education Department nung assistant professor aser librarian mapa 110 aliba atema advertisement asütsü akhangba pusema nungiter, ta ACAUT Nagaland aser PSAN-i metetdaktsüogo.
ACAUT aser PSAN-i sangdong ka ajanga Higher Education Department aser NPSC dang tasüngdangba asem asüngdangogo.
Parnoki asüngdangba rongnung Higher Education Department-i mapa agüjaka kechiba NPSC-i mapa 63 indang advertisement magütsür ta asüba ka lir.
Parnokisa, Higher Education Department dang NPSC nem lemzüktsüba mapa 68 nungi 5 kechiba sota ayu ta asüngdangogo.
ACAUT aser PSAN-isa March 9, 2019 nü mapa 86 atema Common Education Service Exam agiba indang result kecha mesangdonger ta asüngdangogo.