India-i tzü kümzüktsü atema $50 billion endoktsü

New Delhi, September 23 (Agencies): Houston nung ayonga agiba ‘Howdy, Modi’ sentong nung jembiba adenba sülen Prime Minister Narendra Modi-i tanü Climate Action Summit nung o jembi.
Iba sentong ya UN Secretary-General Antonio Guterres-i UN General Assembly chamber nung ayonga agir.
PM Modi-i o jembidang tzü anepalutsüba nung temulung agütsütsü aser taruba küm ishika tsüngda India-i water conservation nung $50 billion endoktsü ta ashi.
“India-i non-fossil fuel shilem teimba kümdaktsütsü, 2022 tashi nung renewable energy 175 GW adener 400 GW jungdaktsütsü” ta Modi-isa ashi.
PM Modi-isa universal health coverage indang mezüngbuba senden nung o jembitsü.
Paisa ‘Leaders’ Dialogue on Strategic Responses to Terrorist and Violent Extremist Narratives’ sentong nunga o jembitsü lir.
Iba sentong ya linük telok kati UN Secretariat den külemi ayongzüker.