Bless Nagaland 2019 nung terata makai adentsü ayongzüker

Dimapur, Rongjui/Sept. 26 (TYO): Jesus Calls Ministry ajanga November 8 – 10, 2019 anogotem nung tanülar benjong ka Mokochung Town nung akatsü ayongtagi. Anungji iba sentong nung tejangrartem asoshi kecha tashishitsü aser terata melei oa dena temoatsü agitsü renemdaktsüner, ta ABAM Executive Secretary, Rev. Dr. Mar Atsongchangeri sangdong ka ajanga metetdaktsü.
ABAM tsütsü nungi senotsü agüja iba sentong sponsor masütsü November 18, 2018 anogo Sanen Ludeni telemtetba agiogo, saka parnok sentong agiba atema ABAM nungi tenokdangba kecha mali, ta leniri jangjashitsü.
Iba tanülar benjong sentong atema Rev. Ponen Longchar, Pastor MTBA Planning Committee convener sür sentong achaayangtagi. Aji asünung nüngdakba mapatongren kar adokra planning committee den terata melei tongtepratepangma, ta paisa sangdong nung shia lir.
Tsüngremi iba sentong nung Pa sentsüwangshi jungkai adokdakjang ta sarasadem ayur, ta ABAM Executive Secretary-isa maneni shisem.