NSF Trophy: Amicus Unitum aser Viswemi FC nati takok angu

Kohima, Rongjui/September 26 (TYO): Angami Students Union-i ayongzüka tang Kohima Local Ground nung 20buba NSF Martyr’s Memorial Trophy asayadaki aser tanü Amicus Unitum Football Club aser Viswemi FC nati pei tata asaya kokogo.
Mezüngbuba asaya nung Amicus Unitum FC-i goal 2-1 agi Future Boys FC Meriema madak takok angu. Amicus Unitum FC pur atema mezüngbuba goal ya Lanzumo C Murry(20)-i minute 20buba nung idaktsü aser Chetsho Lasuh (7)-i minute 39buba nung tanabuba goal idakja liasü.
Asaya nung goal tasembuba aser Future Boys FC Meriema atema mezüngbuba goal ya Kevizakie Ciesotsu(9)-i minute 42buba nung idakja liasü.
Amicus Unitum nungi asayar Khyolamo Tungoe (6), Khaiwang Konyak (15) aser Kapzei Konyak (17) nunger nem asaya nung yellow card kaka agütsü aser Future Boys FC Meriema nungi goal idaktsüsang Kevizakie Ciesotsu (9) nema asayar yimya shidak mebenshiba atema yellow card ka agüja liasü.
Tanü asaya tanabuba Viswemi FC aser Kohima Science College Jotsoma na asayaa liasü. Atakzüker aliba asaya mapang tembangba tashi nung team kati danga goal midaktsütetba sülen tie-breaker asayatsüsa aküm, koba Viswemi FC-i 4-3 agi akok.
Asaya nung Kohima Science College Jotsoma nungi asayar Achong (12), Atong (6) aser Tianuksang (15) aser Viswema FC nungi asayar Kelehosa Kikhi (10) nem yellow card kaka agüja liasü.

September 27 nü asaya yamai alitsü:
Fresh Kickers Tseminyu vs Aztec FC @ 12:30 pm.
Viphoma Youth Organisation Vs ICFAI University Sovima @2:30 pm.